Færsluflokkur: Bloggar

Björk, Íslandsvinir, Skoðanir, Skattar

Ég er alveg sammála Björk og finnst þetta Magma mál allt lykta af spillingu og reyndar finnst mér líka að það þyrfti að rannsaka þessa sölu alveg sérstaklega.

Hins vegar að þegar maður skoðar nokkur blog um þessa frétt að þá tengja menn saman að Björk búi erlendis (og hefur gert það reyndar mjög lengi) og borgar sennilega mikinn hluta af sköttum sínum þar og því að hún megi ekki hafa opinbera skoðun á málinu.

Mér finnst þetta alveg út í hött. Ég er búsettur erlendis eins og er og er ekki að borga skatt á Íslandi (í augnablikkinu). Gerir það mig þannig að einhverri verri persónu eða 2 flokks? Má ég kannski ekki vera að blogga um þetta fyrir vikið?

Nú er mjög oft vitnað í "erlenda sérfræðinga" vegna ýmissa mála. Ekki borga þeir skatta á Íslandi. Gerir það ekki það að verkum að þeir eiga ekkert að skipta sér af okkar málum og ekki að opinbera skoðanir sínar??

Eins er oft líka talað um Íslandsvini og fréttnæmt ef þeir minnast á Ísland á erlendri grund. Á bara ekki að skamma þá líka fyrir að segja eitthvað um Íslensk málefni á alþjóðavetfangi.

Eins sá ég athugasemd frá Jens Guð á einu blogginu um að Björk er að borga fullt af sköttum á Íslandi. Og á þá kannski rétt á að hafa skoðun... eða hvað? Nei þá var einhver sem sagði að hún byggi í útlöndum (og það hefur hún gert lengi) og "hún skilji ekki neitt um málið"!!!! Þá vitum við það.

Hún Björk sem fæstir vildu kannast við þegar hún var að byrja sinn feril í útlöndum, en allir vildu síðan eiga þegar hún varð allt í einu heimsþekkt tónlistarkona. Hún má bara hafa skoðun og tala opinberlega ef það þóknast hinum og þessum bloggurum. Þegar þeir eru ósammála henni að þá allt í einu er reynt að tína til einhverja ástæðu fyrir að þetta komi henni ekki við. Hún hefur sennilega gert meira fyrir landið en flestir ef ekki nokkur annar Íslendingur. Oft þegar hún gefur út efni að þá gerir hún í því að fá Íslenska samstarfsaðila, bakraddir, kóra, hljóðfæraleikara, hljómsveitir og fleira. Hún borgar auðvitað öllum þessum aðilum laun. Samkvæmt því sem Jens Guð segir að þá lætur hún stef innheimta öll sín stefgjöld (allstaðar í heiminum) sem þíðir að ef eitthvað lag hennar er spilað hinum megin á hnettinum að þá koma stefgjöldin til Íslands og borgaður skattur af þeim. Hún má svo ekki hafa skoðun???  

Erum við eitthvað útibú frá Kína. Þar sem aðilar utan Kína mega og eiga ekki að hafa skoðanir eða skipta sér af innanríkismálum??

Upphaflega ætlaði ég að setja inn athugasemd á einu af þessum bloggum en eftir að hafa lesið hvernig höfundur þerrar færslu svaraði athugasemdunum að þá sá ég að það væri bara tímasóun og sennilega fengi ég í þokkabót eitthvað "skítkast" og nenni bara ekki að ergja mig á einhverju svoleiðis.

Læt þessa smá kvörtun duga núna.

Kjarri - thaiiceland - www.thaiiceland.com
Logo


mbl.is Björk: „Afgangar af spillingunni“
Tilkynna um óviðeigandi tengingu við frétt

Frétt á Visi

Áðan sá ég frétt á visir.is og þó fréttin sjálf sé um hörmulegan atburð og ekkert sem ekki er neitt broslegt að þá er í enda fréttarinnar setning sem gat ekki gert annað en að fá mann til að brosa.
Hér er gif mynd af fréttinni.

umferdin_208 

Það í sjálfu sér er agalegt hversu margir deyja í umferðinni þarna en samt á ég bágt með að trúa að árið 208 (tvöhundruð og átta) hafi um 138 þúsund mans látist í umferðinni á þjóðvegum landsins. Ég á bágt með að trúa að þjóðvegir á þeim tíma hafi verið yfirhöfuð mikil mannvirki og ábyggilega ekki mikil umferð. Þó er möguleiki á að hestakerrur eða eitthvað í þeim dúr hafi verið notað á þeim tíma. Sjálfsagt er ekkert ólíklegt að einhver slys hafi orðið vegna þeirra. En ég reikna þó að það hafi ekki verið neitt í líkingu við okkar daga og hvað þá yfir hundrað þúsundir sem hafi látist á þjóðvegunum. Á erfitt með að trúa því. Síðan má spá í hvaða gögn er notast við til að fá þessar tölur. Það er spurning hvort hafi verið byrjað að skrásetja slys og dauðsföll á þjóðvegunum á þeim tíma???

Annars er þetta ekki svo slæmt miðað við margar aðrar villur sem maður sér allt of oft.
læt þetta duga í bili.

Kjarri - thaiiceland - www.thaiiceland.com
Logo


Thailand

Það er margt athyglisvert í þessari grein. Eitt sem mér finnst þó vanta að stór hluti mótmælenda fær greitt fyrir að mótmæla. Þessi mótmæli hefðu aldrei náð að verða svona svakaleg nema vegna þess.
læt þetta duga í bili.
Kjarri - thaiiceland
Logo

mbl.is Reiði í landi brosanna
Tilkynna um óviðeigandi tengingu við frétt

Ástandið í Bangkok

Það er búið að vera vægast sagt skálmöld í Bangkok. Mótmælendur (sem nótaben hafa fengið greitt fyrir að hafa sig í frammi) hafa verið mjög ósamvinnuþýðir. Þeir hafa sagt að ekki komi til greina að tala við stjórnvöld fyrr en þau eru farin frá og forsætisráðherra landsins komin í útlegð. Fyrst þá væru þeir tilbúnir að hefja viðræður. Á meðan engar viðræður eru að þá er náttúrulega ekki líkur á sáttum. Þetta eru líka afskaplega umdeildir kostir. Sennilega eru um helmingur Tælendinga sem vill þessa stjórn. Ástæðan fyrir þessum kröfum er að fyrrverandi forsætisráðherra landsins, Taksin Sinavatra er í útlegð og verður fangelsaður við komuna til landsins. Hann er sakaður um spillingu og græðgi. Þannig er hér að í öllum kosningum að þá borga frambjóðendur til að láta kjósa sig. Bændalýður fær oft 1-200 Bath (um 4-800 krónur) frá frambjóðendum í þeirri von að þeir muni kjósa sig. Allar kosningar snúast að þessu leiti um peninga. Sagt er að Taksin Sinavatra hafi sankað að sér töluverðum auð á meðan hann var við stjórn. Margir vildu meina að það hafi margt verið á gráu (eða dökkgráu) svæði. Fyrir nokkrum árum hófst síðan mótmæli gegn honum. Síðan einn daginn þegar Taksin var í London að þá tók herinn við völdum í landinu og í kjölfarið var gefin út handtökuskipun á Taksin. Um tíma var Taksin á Englandi en síðar þegar Thailendingar kröfðust framsals hans að þá fór hann þaðan. Hann var á einhverju ferðalagi en síðan er talið að hann sé núna í Kambódíu og þaðan stjórni hann mótmælum gegn ríkisstjórn landsins. Fyrir ekki alllöngu að þá gekk í gegn dómur þar sem teknar voru yfir um helmingur eigna Taksins.

Eftir að herinn leyfði kosningar að þá komst flokkur Taksins aftur til valda. Þá fór í forsætisráðherrastólinn maður úr innsta hring Taksins og töldu margir að í raun væri Taksin að taka við stjórninni. Þá hófust mikil mótmæli og eftir 2 eða 3 tilraunir til að koma manni Taksins að (jafnvel mönnum sem voru giftir inn í fjölskylduna en sögðust auðvitað vera alveg sjálfstæðir frá Taksin) að þá var sæst á núverandi forsætisráðherra. Það má sennilega fullyrða að sá maður hafi engin tengsl við Taksin því annars væru svokallaðir rauðliðar (stuðningshópur Taksins) ekki að standa fyrir mótmælunum núna. Það er altalað að Taksin standi fyrir þessum mótmælum. Mótmælendur fá greitt fyrir að mótmæla og það bara ágætislaun. Almenn laun inn til landsins er oft ekki nema 3.000 Bath á mánuði. Launin eru reyndar almennt hærri í Bangkok og öllum stærri borgum og eru oft um 5-6.000 Bath. Taksin þessi greiðir mótmælendum hins vegar 500 Bath á dag til að standa fyrir mótmælum og uppþotum. Þetta er altalað hér og allir vita þetta. Hann sjálfsagt réttlætir þessi útgjöld með því að sjálfsagt gæti hann á endanum grætt á þessu ef tekst að koma stjórninni frá. Mótmælin hafa líka farið út úr öllum böndum og eftir síðustu nótt að þá lágu 7 í valnum og fjöldi manst hafði slasast. Sennilega er tala fallina eftir síðustu daga þá komin yfir 40-50 manns. Sjónvarpstöðin Stöð 3 brann í átökunum síðustu nótt og eins fleiri byggingar. Stöð 3 er þá ekki í gangi vegna brunans. Ég sá á öðru bloggi að menn voru að kenna stjórnvöldum um að loka á allar sjónvarpstöðvar en það er ekki rétt þar sem aðrar stöðvar eru með hefðbundna útsendingu (eitthvað þó truflaða af fréttum og málum vegna mótmælana). Mér sýnist eina stöðin sem er ekki í gangi sé stöð 3 og hún brann í látunum svo ég get ekki séð hvernig hægt sé að kenna stjórnvöldum um það. Ég held að þetta hljóti að vera áróður frá mótmælum (ábyggilega svipaður fjölmiðlagrátur og fjárglæframenn reyna á Íslandi til að kasta ryki í augu almennings). 

Ég kom fyrst til Thailands fyrir um 20 árum síðan og hef búið hér núna í meira en 5 ár. Þó ég hafi ekki helgað mig stjórnmálum að þá tel ég þó að fullyrðingar um að stjórnvöld láti fólk hverfa (eins og ég sá á einhverju blogginu hérna) standist engan vegin. Stjórnvöld eru kannski ekki algerir englar með vængi og til að mynda að þá telur Wikileaks síðan að sumar athugasemdir sem tengjast Thailandi hjá þeim séu bannaðar í Thailandi og ritskoðaðar. Ég veit ekkert um sannleiksgildið en hef enga ástæðu fyrir að wikileaks sé að fara með staðhæfu þar svo sjálfsagt er það kannski rétt. Hins vegar held ég manshvörf á vegum stjórnvalda séu ekki á rökum reist.

Sjálfsagt er ekki hættulaust að vera á vissum stöðum í Bangkok á meðan á þessu stendur. Ég vona og veit að flestir Thailendingar bera þá von líka að þessu fari að linna. Ég persónulega held að það hljóti að vera vondir menn sem fjármagna svona því þessi mótmæli væru aldrei kornin svona langt nema með þeim greiðslum sem mótmælendur fá.

sjá einnig hér
læt þetta duga í bili.
Kjarri - thaiiceland
Logo


mbl.is Útgöngubann framlengt
Tilkynna um óviðeigandi tengingu við frétt

Færi betur að hafa einræðisherra??

Núna eftir síðasta útspil þeirra sem virðast svífast einskis í græðginni að þá veltir maður því fyrir sér hvort það væri bara ekki skárra ef við hefðum einræðisherra sem myndi kippa hlutunum í lag í eitt skipti fyrir öll. Það væri allavega ekki í vegi að skoða kosti og galla slíks fyrirkomulags. 

1. Eitt er að ef við mundum fá einræðisherra til að stjórna að þá mundu þeir svo sannarlega þurfa að vara sig sem áttu hvað mestan þátt í að keyra landið um koll. Þá mundi ekki vera hægt að bjarga sér með einhverjum dýrum lögfræðingi. Ef lögfræðingurinn væri með eitthvað múður að þá mundi honum verða stungið í fangelsi líka (og mundu nú sennilega ekki allir gráta það)

2. Stofnanir eins og Alþjóða gjaldeyrissjóðurinn mundu líka ekki geta vaðið hér uppi. Ef þær mundu hafa eitthvað múður að þá mundi einræðisherrann okkar bara loka á þá og neita að borga nokkuð til baka.

3. Einræðisherrann okkar mundi líka stofna sérdeild manna til að reyna að ná til baka þá fjármuni sem örugglega eru faldir í útlöndum og sennilega mundu þeir aðilar sem "þykjast" eiga þá peninga verða beittir öllum ráðum til að þeir mundu skila þeim peningum.

4. Síðan mundi einræðisherrann þjóðnýta fyrirtæki þeirra manna sem áttu hvað mestan þátt í þeim skaða sem landið hefur orðið fyrir.

5. Einræðisherrann mundi sko ekki láta einhverja útlendinga eignast auðlindir landsins. það kæmi bara aldrei til greina. 

6. Síðast en alls ekki síst að þá mundi einræðisherrann okkar jafna aðeins lífskjörin okkar svo það mundi ekki vera svona gífurlegur munur á milli starfandi stétta landsins.

þetta er nú allt nokkuð gott og væri ekki amalegt að hafa svona mann við stjórnvölin. Hins vegar hljóta að vera einhverjir gallar líka á þessu stjórnarlagi. Skoðum það aðeins.

1. Ef þetta væri tímabundin ráðstöfun að þá eru einræðisherrar þekktir fyrir að vilja sitja lengi í sínum stólum. Það lengi að jafnvel Davíð okkar (seðlabanka-Davíð) mundi barasta blikna í samanburðinum. Það væri nánast útilokað að koma einræðisherranum okkar frá og og jafnvel dygði einhver lagasetning ekki til.

2. Þó allir mundu verða voða sáttir hversu ákveðin einræðisherrann okkar mundi vera í því að ná þeim fjármunum sem fjárglæframennirnir okkar hafa örugglega komið einhvernvegin í felur. Að þá er sennilegt að flest okkar mundi ekki vera alveg sammála um aðferðirnar sem einræðisherrann mundi beita.

3. Þegar einræðisherrann okkar væri búin að kasta Alþjóða Gjaldeyrissjóðnum úr landi að þá er sennilegt að við mundum verða útilokuð úr samfélagi þjóðanna. Það mundi þýða að ferðalög í sólina yrðu ekki eins mikill valkostur og í dag. Eina góða við þetta er að því er spáð að eldvirkni sé að aukast á Íslandi. Það er sennilegt að hægt sé að fara að skoða mismunandi eldgos í öllum sumarfríum næstu árin

4. Einræðisherrar halda alltaf að þeir séu ómissandi fyrir sína þjóð. Engin einræðisherra sem ég veit um hefur sagt upp störfum í miðju starfi. Við mundum örugglega sitja uppi með hann þar til hann hverfur yfir móðunna miklu. Þá væri hann samt sjálfsagt búin að finna okkur annan eftirmann og þannig sjá til þess að einhver "ómissandi" eftirmaður taki við hans starfi.

5. Langflestir einræðisherrar eru ekkert betri en fjárglæframenn og sjálfsagt mun einræðisherrann okkar sanka að sér öllum hugsanlegum verðmætum og lúxus. Hann mundi örugglega fá sér miklu dýrari einkaþotur en JÁJ á (eða átti??). Hann mundi líka fá sér nokkrar miklu flottari lúxussnekkju en JÁJ átti (eða á??). Lúxushallir og sumarhús (hallir) fyrrverandi útrásarfólks mundu blikna í samanburði við hallirnar sem einræðisherrann okkar mundi láta byggja fyrir sig.

6. Þegar einræðisherranum okkar mundi takast að finna alla földu fjármuni fjárglæframannanna okkar í útlöndum að þá mundi hann bara breyta um nafn á reikningseiganda þannig að fjármunirnir væru ennþa í leynum í útlöndum... bara á hans nafni.

7. Auðlindir landsins færu aldrei í hendur á útlendingum. Einræðisherrann okkar mundi bara eiga þær sjálfur og allur arður mundi fara í Lúxussins hans sjálfs.

8. Einræðisherrann mundi jafna lífskjörin þannig að allir væru á sömu launum... launum sem nánast ómögulegt væri að lifa á(en það er kannski ekki mikil breyting frá því sem er).

9. Einræðisherrar eru þekktir fyrir það að óttast uppreisn. Einræðisherrann okkar mundi efla lög og rétt í landinu. Hann mundi efla lögregluna og líka örugglega stofna her. Allt til að passa hann sjálfan og halda öllum óæskilegum í hæfilega fjarlægð.

10. Ef við mundum hafa einræðisherra þú mundu erlend hernaðarveldi keppast við að finna sér ástæðu til að "bjarga" okkur. Nóg er af auðlindum sem hægt væri að komast yfir.

Þótt það væru margir ótvíræðir kostir við að fá einræðisherra til að taka á málunum hér að þá er sennilegt að ókostirnir séu fleiri og stærri. Hins vega að ef að frjálshyggjan á að fá að ganga gersamlega óheft og menn ætli sér að gera landið að algerri rúst þar sem ekkert verður eftir af eignum eða auðlindum að þá gæti komið að því að almenningur sjái ekki mikinn mun á kúk og skít.

Vona þó að það komi aldrei að því.
sjá einnig hér
læt þetta duga í bili.
Kjarri - thaiiceland
Logo


Hvað þarf til??

Nú er liðið rúmlega 1 og hálft ár frá því að "ofurskuldsetta" Íslenska bankakerfið hrundi með gríðarmiklum afleyðingum fyrir efnahag landsins. Fljótlega eftir hrun var ljóst að þáverandi ríkisstjórn væri ekki treystandi til að stýra okkur út úr vandanum með hag almennings fyrir brjósti. Eftir kosningar kom í ljós að almenningur ætlaði að treysta á vinstri menn að gera það. Auðvitað var og er þetta verk ekki vandalaust. Ekki aðeins það að fyrrverandi ríkisstjórn og eigendur/yfirmenn stærstu fyrirtækjasamstæðanna, skildu svo sviðna jörð eftir að ekki aðeins tekur langan tíma að rækta upp garðinn. Heldur eru engir peningar til að kaupa útsæði og fræ til að ræktun geti hafist. Á meðan stjórnin reynir hvað hún getur við að ná einhverjum púslum saman til að geta einhvernvegin komið af stað ræktunninni að þá gera þeir hinir sömu sem komu okkur í þessa stöðu, ekkert annað en þvælast fyrir og segjast geta gert allt miklu betur en vinstristjórnin (sem kann auðvitað ekkert til verka). Þetta eru svipuð loforð og við fengum fyrir hrun þar sem okkur voru lofuð gulli og grænum skógum ef allt væri einkavætt til manna sem "kunnu" með fjármuni að fara (úr landi??).
Þrátt fyrir að ekki væri hægt að kenna almenningi landsins (launafólki, öryrkjum, ellilífeyrisþegum og börnum landsins) hvernig komið er fyrir landinu að þá hefur þessi vinstri stjórn samt ákveðið það að við búum í þannig þjóðfélagi að lög og réttur gildi. Þó flestir telji sig vita hverjir sökudólgar hrunsins eru að þá gilda um þá sömu lög (..ja stundum allavega) eins og okkur hinna. Þeir eru ekki sekir nema eftir undangengna rannsókn og réttarhöld. Á meðan á þessu stendur að þá hefði maður nú haldið að allir mundu leggjast á eitt við að reyna að bjarga því sem bjargað verður. Það er nú samt aldeilis ekki raunin. Þeir sem áttu hvað stærstan þátt í hruninu reyna að nota hluta af þeim peninga sem þeir komu undan til að hvítþvo af sér verknaðinum. Og ekki aðeins bara þeir (sem kannski eðlilega óttast afleiðingar sakfellingar) heldur eru enn menn sem reyna að skara að sinni eigin köku og enn á kostnað landans (eins og það sé ekki nóg fyrir).
Á meðan vinstri stjórnin reynir að vinna samkvæmt þeim lögum og réttum sem gilda í landinu og þeim löndum sem við miðum okkur gjarnan við að þá skýla skaðvaldarnir sig bak við þau sömu lög, sveigja þau og beygja eins langt og þeir telja að sínir dýrustu lögfræðingar geti komist af með, allt á kostnað okkar.
Við almenningur í landinu sem reynum alltaf að vera "réttum megin" sitjum svo eftir á meðan þessir menn moka fjármunum (okkar) í skjól og eru sjálfir búnir að tryggja sér fína og örugga ævi, hvernig svo sem fari fyrir "skerinu" sem fæddi þá og klæddi á uppeldisárunum þeirra.
Stundum langar mig að ríkisstjórnin segi bara hingað og ekki lengra. Segi sig frá þessum hefðum og striki yfir þá lagabókstafi sem segir að þjófar megi stela á meðan þeir hafi nógu góða lögfræðinga sem koma þeim undan réttvísinni. Síðasta dæmið, þar sem orkuauðlindum okkar er komið yfir til "útlendinga" sem sjálfsagt einhvernvegin launa velgjörðarmönnum sínum fyrir hjálpsemina (trúi ekki að menn séu að selja þetta vegna einhverjar hugsjóna) er kannski kornið sem fyllti mælin. Á meðan ríkisstjórnin fékk ekki stuðning annarra aðila (til að mynda lífeyrissjóða) til að geta haldið í eignarhaldið innanlands. Og á meðan ríkisstjórnin taldi að enn væri tími að þá laumast skaðvaldarnir til að ganga frá öllum endum til að tryggja að ekkert geti stöðvað þá. Þegar síðan gengið er frá samningum að þá benda allir á ríkisstjórnina og segja að hún sé gagnslaus og hafi haft nógan tíma.
Í fyrsta lagi að þá held ég að engin af þeim sem stóðu í samningum hafi viljað að ríkisstjórnin vissi hversu langt þeir voru komnir.
Í öðru lagi að þá langar mig að spyrja.... nú er sagt að hluti kaupverðsins sé í formi láns (eða skuldabréfs) sem Reykjanesbær veitir. Stóð ríkisstjórninni sömu kjör til boða? það er hefði ríkistjórnin getað fengið lánað frá Reykjanesbæ fyrir stórum hluta af kaupverði, eða stóð það bara til boða fyrir þessa kaupendur?
Var allt ferlið í sölunni "opið" og hafði ríkisstjórnin allar upplýsingar um stöðu mála (og átti þá möguleika til að forðast þessa niðurstöðu) allt ferlið þar til skrifað var undir.
Ég veit ekki svörin en miðað við viðbrögð aðila að þá tel ég mig geta farið nokkuð nærri um þau.
Hvenær ætla vinstri menn að segja hingað og ekki lengra. Lögin eiga ekki að vera til að verlauna þá sem mestan skaða gera þjóðfélaginu. Lögin eiga að vera fyrir fólkið í landinu.
Nú er maður á því að "með lögum skal land byggja" hins vegar er maður alltaf að verða meira hissa og hissa hvernig þeir menn sem ætla sér að fara framhjá þeim, tekst það!!
Það þarf einhvernvegin að tryggja það að ef menn brjóti lög að þá verð þeim refsað. Það þarf einhvernvegin að tryggja að þessir menn geti ekki snúið á lögin með útúrsnúningum eins og formgalla eða einhverju og á meðan eru menn ekki dæmdir. Þrátt fyrir að allir viti að þeir eru sekir.
Sennilega hefði minni flokkurinn í ríkisstjórninni (nei flokkurinn) þurft að vera miklu stærri til að tryggja almenning. Ég held að þrátt fyrir góð fyrirheit að þá sé hinn flokkurinn of tengdur aðilum hrunsins til að geta farið fram með meiri ákveðni gegn þessum sömu aðilum.

sjá einnig hér
læt þetta duga í bili.
Kjarri - thaiiceland

Logo

mbl.is Vill banna fjárfestingar erlendra aðila í orkufyrirtækjum
Tilkynna um óviðeigandi tengingu við frétt

Á ágætum launum við að mótmæla!!

Það hefur verið nokkuð ófriðlegt í Bangkok undanfarna mánuði og núna síðustu daga hafa yfir 30 látist í óeirðunum. Það eru svokallaðir rauð-bolir sem standa fyrir mótmælum í Bangkok. Nafnið kemur til vegna þess að þeir klæðast rauðum bolum. Það eru nokkrir hópar sem hafa einkennt sig með mismunandi litum á bolum og til að mynda eru líka til Gulir-bolir, bláir-bolir og bleikir-bolir. Gulir-bolir stóðu til að mynda fyrir mótmælum áður en fyrrverandi forsætisráðherra landsins, Taksin Sinavatra var hrakin frá völdum er herinn tók völdin fyrir fáeinum árum. Rauð-bolir eru einmitt stuðningshópur Taksins og nú reyna þeir hvað þeir geta til að hann komi aftur til Thailands og taki við stjórn landsins. Taksin þessi býr ekki í Thailandi i dag og mundi sjálfsagt vera handtekin um leið og hann stígur fæti á Thailenska grund. Hann er sakaður um spillingu og að hafa hagnast óeðlilega (og ólöglega) í valdatíð sinni. Fyrir skemmstu féll dómur hér í Thailandi þar sem um helmingur eigna hans voru gerð upptæk, milli 30-40 milljarða THB (man ekki nákvæma tölu en þetta er einhverstaðar á milli 90-160 milljarðar Íslenskra króna). Heildar eignir hans fyrir dómskvaðningu var því yfir 70 milljarðar THB. Nú er talið að hann sé í raun á bak við þau uppþot og mótmæli sem hafa verið í Bangkok. Stór hluti þess fólks sem stendur í þessum mótmælum gerir það ekki vegna skoðana sinna. Heldur er fólki líka borgað fyrir að fara að mótmæla. Fólk getur fengið 500 THB fyrir daginn í mótmælum en það má geta þess að laun í sveitum landsins er oft á tíðum ekki nema 3.000 THB á mánuði (þó þau séu þó töluvert hærri í Bangkok). Mótmælendur krefjast þess að stjórnin fari frá og forsætisráðherra verði sendur í útlegð (eins og Taksin). Það er rétt að skoða hvernig þróun mála hefur verið fyrir þá stjórn sem nú er. Eftir að herinn leyfði aftur kosningar að þá sigraði flokkur Taksins kosningarnar og komst aftur til valda. Þá var valin einn helsti stuðningsmaður Taksins sem forsætisráðherra (og sumir vildu meina að í raun væri Taksin sem stjórnaði). Þá upphófust mikil mótmæli (þá hjá Gulu-bolunum) sem töldu að í raun hafi Taksin valið sinn eftirmann til að í raun sitja sjálfur að stjórn. Þetta varð til þess að annar maður var valin sem forsætisráðherra og sá hinn sami sagðist ekki vera sem brúða Taksins. Hins vegar trúði því engin þar sem hann var það tengdur inn í fjölskildu Taksins að ég held að hann sé mágur Taksins (mágur eða tengdasonur eða eitthvað þessháttar það er að segja nánast inn í miðri fjölskyldunni). Auðvitað varð allt vitlaust og eftir þriðju tilraun til að reyna að koma manni tengdum Taksin í stólinn að þá var sæst á núverandi forsætisráðherra sem að ég held að hefur engin tengsl við Taksin. Það má segja að það sé nokkuð öruggt því sennilega er Taksin ekki sáttur og reynir nú að koma á eins miklum ófriði og hægt er til að bola þessum manni frá. Það held ég að séu allir sammála um að það er hann sjálfur sem stendur fyrir þessum mótmælum. Vitað er að stór hluti mótmælenda fær greitt fyrir að standa í þessu og þrátt fyrir að hann hafi tapað um helming eigna sinna að þá er hann sennilega sá eini sem væri til í að borga hundruð þúsunda THB (jafnvel yfir milljón ISK) á dag til að koma sitjandi forsætisráðherra frá. Sennilega er líka hugsunin hjá honum að hann gæti jafnvel náð einhverju af tapinu til baka ef stuðningsmaður hans (eða brúða) færi með forsætisráðherraembættið. Flestum finnst mótmælin hafa farið yfir strikið hvort sem fólk er stuðningsmenn Taksins eða ekki. Hins vegar á meðan einhver borgar mótmælendum að þá verður mótmælum haldið áfram. Það er sennilega eldsneytið sem mótmælin ganga á. Ég held að Thailendingar skiptist í nokkuð jafnstóra hópa þeim sem styðja Taksin og þeir sem eru á móti honum. En ég held samt að meirihluti Thailendinga séu mótfallnir hversu mótmælin hafa farið langt. Ég fyrir mitt leyti gæti ímyndað mér að Taksin noti áróðurmaskínu (á svipaðan hátt og fjárglæframenn á Íslandi hafa gert) til að láta líta út sem hann sé fórnarlambið og málaferlin gegn honum hafi verið pólitískur leikur til að skaða hann (en hann sé auðvitað blásaklaus). Ég get ekki ímyndað mér að maður sem tilbúin er að borga himinháa peninga til að koma sér að, jafnvel þó það kosti tugi mannslífa. Sé einhver sakleysingi með geislabaug (og vængi). Hins vegar hef ég ekkert annað til að byggja þessa skoðun mína en það að hann virðist svífast einskis til að komast að. Ekki hef ég farið yfir dómskjöl eða legið í málinu á neinn annan hátt. 
Eftir síðustu daga þar sem tugir manna liggja í valnum og sennilega yfir 200 slasaðir að þá er loksins að koma upp sú staða að rauð-bolir eru tilbúnir til viðræða við stjórnvöld. Það hafa þeir ekki verið fyrr en nú. Þeir sögðu áður að engar viðræður gætu hafist fyrr en forsætisráðherra færi frá og væri komin í útlegð frá Thailandi (eins og Taksin er í dag). Þá fyrst væru þeir tilbúnir til viðræða, ekki fyrr. Nú er vonandi einhver breyting á og menn fara að tala saman. Þó má maður ekki fyllast of mikillar bjartsýni þar sem rauð-bolir hafa verið svo óhagganlegir í að gefa ekkert eftir. Maður hefur vissar efasemdir um að viðræðurnar muni skila því sem þarf til að sættir náist.
Vonum samt það besta.

sjá einnig hér
læt þetta duga í bili.
Kjarri - thaiiceland

Logo


mbl.is Á fjórða tug látnir í Taílandi
Tilkynna um óviðeigandi tengingu við frétt

Upptaka eigna Taksins.

Í gærkvöldi horfði ég (svona með öðru auganu) á fréttir af því þegar verið var að taka yfir eignir fyrrum forsætisráðherra, Taksins Sinavatra. eitt af því fyndna við þetta er hvernig svona formleg upptalning fer fram og hver einasti aur er tiltekin. Þannig var ein upphæðin (að mig minnir eign inn á bankabók) upp á 46 milljarða THB (um 170-180 milljarða króna). Dómarinn þuldi upp töluna 46 milljarðar xxx miljónir xxx þúsund xxx THB og 70 sattang (aurarnir þeirra í Thailandi, 100 sattang er sama og 1 THB). Þetta er auðvitað soldið skondið.

Þó er hitt athyglisvert að verið er að taka eignirnar yfir. Hvenær eigum við von á að svona nokkuð gerist á Íslandi? Ég veit ekki.... Kannski einhvern tíman og kannski bara alls ekki!! Við viljum oftast nær miða Íslandi við hinn vestræna heim þar sem menn eru látnir taka afleiðingum gjörða sinna. Hins vegar virðist það ekki vera í reynd og ef um er að ræða menn í "háum" stöðum eða mjög áberandi í þjóðfélaginu að  þá virðist sem það megi ekkert taka á þeim, hversu mikill skaði hefur orðið. Næstum heilt þjóðargjaldþrot (gjaldþrot er þó ekki útilokað eins og er) virðist ekki vera nóg til að taka á þeim sem virðast hafa farið hamförum með fjárhag landsins og skilið þjóðina alla eftir i verulegum sárum.  Nei ef eitthvað er að þá er þessum sömu mönnum verðlaunað. Þeim færðar til baka öll sín fyrirtæki sem þeir voru aldrei búnir að borga og voru næstum búnir að missa í öllu umrótinu Og skuldirnar þeirra (sem þeir voru aldrei búnir að borga) breytast bara í eignir. Einhvernvegin hefur maður á tilfinningunni að það verði á endanum einhverjum fáeinum "fórnað" til að halda almenningi góðum og síðan verði öllum hinum einhvernvegin þaggað í hel (eða kaffært í einhverri ómerkilegri umræðu þar til allt gleymist). 

Taksin var svona nokkurn vegin "útrásarvíkingur" Thailendinga. Hann var forsætisráðherra og sankaði að sér töluvert af eignum. Það sauð þó ekki upp úr fyrr en hann ætlaði að selja til útlendinga fjarskiptafyrirtæki sem hann átti. Hvernig það komst í hans eigu veit engin. En allir héldu að þetta væri ríkisfyrirtæki í eigu almennings. Síðan kemur allt í einu upp að hann hafði eignast þetta a einhverjum tímapunkti og var að selja með einhverjum GÍFURLEGUM hagnaði. Þá varð allt í einu mælirinn fullur og upphófst mikil mótmæli. Að endingu var boðið til kosninga þar sem hann lofaði því að fara frá ef flokkur hans mundi fá undir ákveðnu marki (man bara ekki hvaða viðmið hann hafði) Flokkurinn náði meirihluta en langt undir því marki sem hann gaf sér. Auðvitað steig hann ekki til hliðar heldur breytti allt í einu um skoðun og talaði allt í einu um að vegna þess að flokkurinn hefði náð meirihluta að þá vildi fólk hafa hann áfram (minnir á suma Íslenska ráðamenn, sem vilja ekki gefa upp stólinn hvað sem raular og tautar). Það upphófst mikil mótmæli sem linnti ekki fyrr en á endanum að herinn tók yfir stjórn landsins. Taksin þessi var þá í Englandi og ákvað að hætta við heimkomu. Það hafði verið gefin út handtökuskipun á hann og hann ákvað að búa bara um sinn í Englandi. Síðar varð honum ekki vært þar vegna þrýstings frá Tælenskum ráðamönnum á að Englendingar framseldu hann til Thailands. Hann flutti um sinn á milli landa en er núna komin til Kambódíu (nágranaþjóð Thailands). Samskipti við Kambódíu hefur versnað til muna fyrir vikið þar sem Thæland saka þá um að halda hlífskildi yfir Taksins og neiti að framselja hann. Menn telja líka að hann stýri mótmælahópum í útlegðinni (svonefndum rauðliðum sem klæðast rauðum bolum). Oft með slæmum afleyðingum fyrir orðspor landsins. Nú í gær voru síðan eignir hans gerðar upptækar. Um er að ræða miklar fjárhæðir. Þar sem ég fylgdist ekki mjög náið með sjónvarpinu að þá veit ég ekki hver heildarupphæðin er en veit svo sem að þó hann tengist IceSave ekki neitt að þá mundu þessar eignir duga til að greiða þá skuld alla (það sem menn hafa verið að tala um að verði það sem við borgum á endanum, um svona 300 milljarðar). Ég heyrði að ein talan var yfir 46 milljarða THB (sem gerir um 160-180 milljarða króna) og síðan sá ég aðra tölu upp á 30 milljarða 247 milljónir 915 þúsund 606 THB og 35 sattangs (aurar) (30.247.915.606,35 THB). Sú upphæð er um 110-120 milljarða króna. Ég veit ekki hvort það voru fleiri eignir teknar en allavega er þetta ágæt eign hjá einum manni og maður dettur ekki í hug annað en að töluverðir fjármunir séu líka erlendis. Ekki lifir hann frítt í Kambódíu og ég hef enga trú á að þeir leyfi honum að vera þar nema fá vel greitt fyrir. 

Ég hef svo sem enga trú á að hlutirnir taki nokkrum breytingum. Jafnvel við þessu "pínultitlu" skrif mín (sem sennilega engin les hvort eð er nema ég). Ég veit ekki hvað þarf til að knýja á breytingar. Og kannski vill ekki hugsa þá hugsun til enda hvað virðist þurfa til að eitthvað gerist. En maður heldur samt í vonina að eitthvað fari nú að gerast þegar (og ef) þessi umtalaða skýrsla verði birt.

Kveðja thaiiceland ti-twitter www.thaiiceland.com - thaiiceland heimasíðan. Endilega kíkja.

Ef þetta kallast ekki subbuskapur að hvað er það þá??

Ég var rétt í þessu að lesa frétt á Pressunni vegna gjaldeyrisbraskskins. Þar segja þessir menn sem ákærðir hafa verið að þeir hafi farið eftir sömu forskrift og þeir "lærðu" hjá Straumi.

Sjá fréttina hér  Fjórmenningar segjast hafa lært að braska hjá Straumi: Töldu sig starfa innan laga

Fyrrverandi lögfræðingur hjá straumi (sem nú starfar sem forstöðumaður gjaldeyriseftirlits Seðlabankans) hafði þetta um málið að segja. 

".....Fyrir það fyrsta hafi Straumur, sem fjármálafyrirtæki, haft leyfi frá Seðlabankanum til að miðla gjaldeyri. Það hafi Aserta ekki haft"

og síðan

"Enn fremur hafi gjaldeyrisviðskipti Straums farið í gegnum útibú bankans erlendis, útibúin hafi talist erlendir aðilar og viðskiptin því verið lögleg þar sem höftin tóku aðeins til innlendra aðila"

Þarna segir blákalt að Straumur hafi verið í að braska með gjaldeyri (á kostnað okkar landsmanna) en það hafi verið löglegt vegna þess að þeir gerðu það í gegnum "útibú bankans erlendis".

Jahá!!! þeir hafi þarna verið að STÓRSKAÐA landið EN ÞAÐ VAR ALLT Í LAGI VEGNA ÞESS AÐ ÞEIR GERÐU ÞAÐ LÖGLEGA!!!

Ef þetta er ekki viðbjóður að hvað er það þá??? Hvað margir aðrir bankar og fjármálastofnanir eru að gera þetta núna?? Hvað eru margir aðrir að eyðileggja fyrir okkur !!!LÖGLEGA!!! og finnst það allt í lagi? Mundi einhver blaðamaðurinn kannski taka það að sér að skoða það??

Ég veit svo sem að það er erfitt að ná útlenskum aðilum sem hugsanlega stunda þetta. Hins vegar ættu Íslenskir bankar og aðilar að tilkynna allar  hugsanlegar grunsemdir þar sem Íslensk fyrirtæki eru að komast hjá gjaldeyrishöftum í stað þess að fara í "samkeppni" á þessum markaði. Þetta er svo ÖMURLEGT á meðan allur almenningur er að berjast við að reyna að halda fjölskyldunum sínum "á floti" og í raun bara ÓAFSAKANLEGT með öllu. Það á að taka mjög hart á þessu. 

Kveðja thaiiceland ti-twitter www.thaiiceland.com - thaiiceland heimasíðan. Endilega kíkja.

Bara svona til að kvarta yfir einhverju....

Ég kíki stundum inn á vefsíðuna www.pressan.is. Oftast er það til að skoða fréttir og eins eru þar að minnsta kosti 2 mjög góðir pistlahöfundar sem skrifa hörkugóða pistla, mest varðandi hrunið og það sem því fylgir og þótt ég sé kannski ekki 100% sammála öllu sem þeir skrifa að þá er ég örugglega sammála 90% af því (ég er með þá ásamt fleiri góða linka með svokölluðu RSS feeds á heimasíðunni minni www.thaiiceland.com undir news línkinnum). Þótt margt gott sé inni á pressan.is að þá má stundum líka ofgera. Núna áðan að þá fór ég inn á tvo linka hjá pressunni. Annar þeirra fjallaði um 10 tilvik þar sem svo heppilega vildi til að myndavélin var tilbúin og tókst að ná ótrúlegum myndum. Það er skemmst frá því að segja að fæstar myndirnar voru þeim eiginleikum gæddar að það var "akkúrat augnablikkið" og kannski sést það best á mynd 2 þar sem er auglýsing máluð á bíl. Ég ætla rétt að vona að þegar menn merkja fyrirtækjabílanna sína að þá sé sú auglýsing hugsuð til lengri tíma en augnablikks og sjálfsagt margir getað tekið myndir af þeim bílnum (og í sumum tilfellum haft nógan tíma til að hlaupa inn og ná í myndavélina). Þar er þá ekki hægt að segja að þarna var akkúrat augnablikið.

Hinn línkurrinn var á "10 skelfileg og bráðfyndin mistök í mannvirkjagerð". þar varð maður líka fyrir "7 skelfilegum vonbrigðum" með myndirnar. Það eru bara 3 myndir í þessari seríu sem má flokka undir mistök (skelfileg eða ekki).
Förum nú betur yfir málið

Nr.1 þar mætast brúargerðarmenn  á miðri leið í "mislægri" brú. Það þarf nú ekki að spá lengi í myndinni til að sjá að það er eitthvað bogið við myndina. Ef menn hafi verið að byggja brú og mæst svona á miðri leið að þá er "frekar" ólíklegt að menn hæfust handa við að mála götumerkingar, ganga frá handriðum og fullgera nánast alla brúnna að samskeytum. Þarna er eitthvað annað að. Hvort sem brúin hafi af einhverjum ástæðum gefið sig á þessum ákveðna stað eða að myndin sé eitthvað löguð til skal ég ekki segja til um, en að ættlast til að maður trúi því að menn hafi klárað ALLAN frágang að þeim punkti að vinnuhópar mætis að það fáránlegt. Hins vegar er myndin skemmtileg, en hún tengist bara ekki fyrirsögninni almennilega. 

Nr.2 Þar get ég verið sammála að sú mynd geti sýnt fáránleg mistök. 

Nr.3 Ef maður skoðar myndina vel að þá gæti mótað fyrir "fyrrverandi" hurðagati á þeirri mynd. Við skulum hafa í huga að flestir menn hafa hvorki hugarflug eða fjármuni til að leika sér líkt og "útrásarvíkingarnir" okkar. Venjulegt fólk sem vill af einhverjum ástæðum loka hurðagötum (annaðhvort um stundarsakir eða jafnvel til lengri tíma) eru endilega ekki tilbúnir að eyða fúlgum fjár í það. Það er nóg bara að koma einhverju fyrir í gatið og mála yfir. Það þarf ekki endilega fara í að rífa burtu svalirnar og ganga síðan frá eins og þarna hafi aldrei verið svalir og síðan jafnvel síðar þegar á að breyta aftur að fara byggja nýjar svalir!! Þessi mynd flokkast þá engan vegin undir "skelfileg mistök" (ja... nema maður sé útrásarvíkingur!!)

Nr.4 Þó þarna sé búið að ganga frá öllum frágangi get ég ekki fundið neina skinsamlega skýringu á þessu og sjálfsagt má raunverulega flokka þetta undir "Skelfileg mistök".

Nr.5 Það kannski dettur engum í hug (t.d. á pressunni) að þarna séu í raun 2 bilskúrar. Að myndin sé tekin þannig að ljósastaurinn "feli" millibilið á milli bílskúra. Ég held allavega að hvergi í veröldinni séu tvíbreiðir bílar keyrandi á götunum. Ef svo er einhverstaðar að þá má sjálfsagt flokka þetta undir "skelfileg mistök" þar. Enn annarstaðar á jarðarkringlunni að þá mundi þetta bara flokkast undir ágæta hugmynd af myndefni. Þó segja megi að ljósastaurinn sé kannski ekki á heppilegum stað að þá er langt frá því að þetta flokkist undir mistök.. hvað þá skelfileg.

Nr.6  Myndin er slæm og ekki gott að átta sig vel á henni. En eins og hún birtist manni að þá eru þetta augsjáanlega mistök. Hversu skelfileg þau eru læt ég aðra um að dæma.

Nr.7 Þarna er sjálfsagt sama ástæða eins og lið 3. Eigandinn þarna flokkast sjálfsagt ekki undir "útrásarvíking" og hefur bara sjálfsagt viljað setja glugga í staðin fyrir dyrnar þarna. Sjálfsagt annar inngangur einhverstaðar annarstaðar. Þó maður loki einu gati að þá þarf kannski ekki að eyða "fúlgum fjár" að breyta öllu þar í kring. Það getur vel verið að menn vilji eiga möguleikann á að setja hurðina aftur upp seinna. 

Nr.8 Ef að það séu lestarferðir þarna að þá má segja að þær séu nú ekki mjög reglulegar. Allavega hefur gefist nógur tími til að steypa svalirnar, múra, ganga frá handriðum og öllum öðrum frágangi og að endingu velja eitthvað fallegt blóm út á svalirnar. Mætti segja mér að allt þetta gæti tekið meira en 2-3 tíma. Veit ekki alveg hvar þessi skelfilegu mistök eru. Myndin er hins vegar góð og brosleg þó hún sé llangt frá því að vera skelfileg.

Nr.9 Það er erfitt að átta sig á þessari mynd. En eftir að hafa stækkað hanna upp um nokkur hundruð prósent að þá þykist ég vera nokkuð viss um að þetta sé ekki klósett þarna við endann. Það sem mér dettur helst í hug er að þarna sé um að ræða drykkjarvatn. Svona gosbrunnur þar sem maður ýtir á takka að þá sprautast lítil vatnbuna upp sem maður getur drukkið. Svona nokkuð sér maður stundum erlendis og þar finnst þetta oft bara vera sjálfsagt (og ekkert skelfilegt þar). Hvort pressumenn vilji að fólk noti klósettpappír til að þurrka sér um munninn á eftir, skal ósagt látið en sennilegt er að ekki sé um nein meiriháttar mistök að ræða. Þó skal taka fram að myndin er óskír og erfitt að átta sig á henni.

Nr.10 þarna kemur svo þriðja myndin sem raunverulega má flokka undir einhverskonar mistök. Þó hef ég ekki trú á því að þarna sé einhver "almennur inngangur" heldur er nú sennilega frekar um einhverskonar geymslu eða eitthvað annað að ræða. Samt alveg hræðilegt að sjá.

Þá höfum við það. Upp úr öllu krafsinu má eiginlega tala um 3 raunveruleg mistök. Restin er sennilega hægt að finna eðlilega skíringu á (ja.. nema maður sé útrásarvíkingur með fullar hendur af lánspeningum sem svo að aðrir borga... Ég skal ekki segja).

Jæja þetta er svona meira til gamans en læt þetta duga í bili.
Kveðja Kjarri-thaiiceland www.thaiiceland.com Heimasíðan mín. Endilega kíkja.


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband