Hollendingar sleppa með €10.000

Hollendingar sleppa með að greiða €10.000 evrur á hvern reikning en hafa verið jafnvel MIKLU harðari en Bretar við að láta okkur borga í topp og að mér skilst yfir €20.000 á hvern reikning. Óréttlátt. Þó er að hluta til við okkur að sakast. Þegar ákveðið var með neyðarlögum að tryggja innistæður á Íslandi að fullu en innistæður erlendis ekki (iceslavið var erlend innistæða inni á Íslenskum banka rekin á Íslandi á íslenskri kennitölu....). Ég veit ekki hvað hefði gerst ef ekki hefði verið farið í þessa mismunun. Það hefðu sjálfsagt margir Íslendingar sem voru með hærri innistæður en €10.000 tapað því sem var umfram... og við hefðum ekki lent í þessari miklu klemmu vegna iceslave... Ég veit ekki hvort hefði verið betra. Að láta alla sitja við sama borð og láta þá þónokkra Íslendinga tapa inneignum sem voru fyrir ofan þessar €10.000... eða vera í þessari stöðu þar sem við erum látin ábyrgjast innistæður sem eru hærri en €20.000 og á lánum með afakjörum sem gæti kostað okkur milljón á hvert mansbarn á Íslandi.... Maður spyr sig hvort það hafi ekki verið til önnur leið til að tryggja innlendar innistæður. Hefði verið hægt að búa til öðruvísi neyðarlög þar sem ekki var um svona "beina" mismunun að ræða og nota aðrar stofnanir (endurgreiðslu frá skatti.... félagsmálakerfið... eða eitthvað annað) til handa þeim sem hefðu tapað innistæðum. Auðvitað er of seint að velta þessu fyrir sér núna, en samt væri fróðlegt að vita það. 

 

Kveðja thaiiceland www.thaiiceland.com Heimasíðan mín. Endilega kíkja.

 

DSB gjaldþrota

Athugasemdir

[Ess (IP-tala skráð) 19.10.2009 kl. 10:56]

Þú þarft aðeins að róa þig... þetta er misritun í greininni og eiga að vera €100.000

[Kjarri thaiiceland, 19.10.2009 kl. 14:00]

Ess Takk fyrir athugasemdina. Ég var samt ekkert svo æstur í greininn (eða ekki fannst mér það sjálfum). Auðvitað breytir þetta nokkru og kannski skýrir hversu harðir þeir voru í samningum þegar þeir sjálfir borga svona mikið. Hins vegar stendur samt eftir þessar vangaveltur sem ég setti fram síðar í greininni um hvernig hlutirnir hefðu farið ef neyðarlögin hefðu ekki verið með þessa augljósu mismunun eftir hvort um mann búsettan á Íslandi eða mann búsettan annarstaðar í Evrópu væri að ræða. Oft hugsað út í þetta atriði.

Kveðja thaiiceland www.thaiiceland.com Heimasíðan mín. Endilega kíkja.