Hámarka verðmætið???

Í frétt sem ég sá á visir.is að þá segir Jóhannes "sem einatt er kenndur við Bónus" (eins og það kom fram í fréttinni) að Bankinn muni ekki tapa neinu á þessu og síðar kom orðrétt "ef pólitíkin léti þetta mál í friði og leyfði bankamönnum að sjá um að hámarka virði eignanna". Mér stendur oft forvitni á að vita hvert það hámarks verðmæti á að fara??? Er verið að tala um að hámarka verðmætið sem kröfuhafar fá til baka, eigendur bankans sem að einhverjum hluta eru við (held ég allavega ennþá). Eða er verið að tala um að hámarka verðmætið sem upphaflegu eigendur af þessu 1998 fái út úr þessu. Einhvernvegin held ég að þó Jóhannes sé kannski ekki vondur maður að þá er hann sennilega að hugsa um þann hluta sem snýr að fjölskyldunni. Ég get einhvernvegin ekki ímyndað mér alla þessa baráttu um yfirráð yfir þessu félagi ef fjölskyldan sé eingöngu að hugsa um hag skattgreiðenda og hag almennings. Ég geti þá ekki séð að þar mundi vera mikill munur á áherslum þar sem bankinn ætti að hafa svipaðar áherslur og fá sem mest til baka af skuldum félagsins (sem kæmi okkur sennilega líka til góða). Miðað við baráttuna að þá eru menn held ég að hugsa um eigin buddu þegar menn tala um að "hámarka verðmæti".

Annað var það ekki. 

Kveðja thaiiceland www.thaiiceland.com
Fyrir þá sem hafa áhuga á Windows 7

Kaupþing og 1998 formlega í eina sæng